طاوة السردين

طاوة السردين 

السلام عليكم و رحمة الله تعالى و بركاته

هاد الصينية كتجي خفيفة و لذيذة

اول حاجة كنوجدوا صوص مطيشة
كنقيو3 حتى 4 دالحبات و نعملهوم فمقيلة مع معلقة مطيشة الحك
التحميرةو الكمون و السودانية و القزبور و المعدنوس و ثومة محكوكة و شوية الزيت و الملح
ونخليها حتى كتعقد و تطيب

كنوجد معقودة عادية
بطاطا مسلوقة
كنضيفلها بيضة و معلقة او زوج الدقيق مع ملح وابزار و سودانية شوية المعدنوس و نجمعها و نشكلها قنينطات صغار بحجم السردينة

كنقيو السردين ونحيدولو الشوك كله و نديرلو الشرمولة ديالو

ونعمروه بالبطاطا ونلويوه و نزلوه فصينية دالفران على الصوص الي وجدنا
نسقيه بزويتة بلدية و نرسلو للفرن

غير يطيب كنعاود نسقيه بزويتة بلدية و قطيرات من الحاض و نضيف الزيتون
و ممكن نديروه حتى في الطاجين