حلوة منمرة

المقادير:
غادي نأخدو رابعة دقيق
90 غ زبدة
 معلقة كبيبرة سكر كلاصي
قبيصة ملح
ماء الزهر لجمع العجين

 الحشوة:

 أنا درت نصف كيلو كاوكاو و نصف كيلو عجينة التمر و معلقة زبدة و شوية قرفة و جمعت بالماء زهر

الطريقة:

 كنأخد شوية من العجينة و نلونو بالبني و شوية بالأصفر و الباقي نخليه أبيض كنورق البني و ندير حرابل من العجين الأصفر وسط منو و نقطعو بحال القريشلات و نورق العجينة البيضة و نحط فوق منها القريشلات ديالنا و نعاود نورق و نقلب العجينة و ندير الحشوة ديالنا و نسدوها من التحت كنخليها تبات عاد نطيبها و من بعد ندهنها بالنباج و ندير البريو.