سلطة البطاطس على شكل طورطة

  سلطة البطاطس على شكل طورطة 
كتجي روعة شكلا و مضمونا  

المقادير:

البطاطا مسلوقة القياس اللي بغيتي على حسب المول اللي غادي تستعملي ، البيض مسلوق أنا درت جوج ، الطن بالزيت، خيزو مسلوق،زلافة روز مسلوق، المايونيز، كاتشوب، ملح إبزار شوية خل، جوج فرمجات، قزبور 

الطريقة:

تأخدي البطاطا و معسيها مع الفرماج و الخل مزيان و زيدي ليها شوية ملح و أبزار و خودي نصف الكمية لبسيها المول ديالك أنا هنا استعملت كسكاس د الكوكوط حيت لي مول اللي عندي كبار ههههه الحاجة ام الاختراع 

و خلطي الحشوة اللي هي الروز و الجزر و الطون صفيه من الزيت و البيض و شوية ملح و شوية ابزار و القزبر و زيدي القياس ديال المايونيز اللي غادي يجمع ليك الخليط و ديريه فوق البطاطا الي سرحتي في المول

 و خودي الكمية المتبقية د البطاطا و غطي بها الحشوية مزيان بالنسبة للزيت ديال الطن دهني بها المول و سرحي بها البطاطا أنا درت هنا بلاستيك غدائي باش ميلصقش ليش 

و مللي تسالي ديوموليها و دهنيها بالمايونيز من الفوق و زوقيها بالكاتشوب 

كنتمنى تعجبكم