طريقة طهي الخبيزة أو البقولة

 المقادير:

الخبيزة مفورة
القزبر
الثومة
التوابل: الملح،ابزار،خرقوم،كمون،تحميرة،زيت بلدية، الهريسة -اختيارية-
طريفات الحامض 
مطيشة محكوكة 
زيتون

الطريقة:

كتشدي البقولة كتنقيها و كتغسليها و كتقطعيها

و كنفورها مع فصوص الثومة و الحامض و حتى مصلوقة كتجي فنة و لكن هنا فورتها.

مني تفور كتزيدي عليها شي 5 او 6 فصوص ثومة حسب الكمية اللي عندك ثم قزبر و معدونس والملح و البزار و الكامون والتحميرة أو الهريسة الى بغيتيها حارة و نصف كاس تقريبا زيت بلدية كنقلي الكل حتى كتنشف تقريبا 10 الى 15 دقيقة

و قبل منطفي عليها بشي 5 دقائق كنزيد عصير حامضة كتجي زوينة مللي كتكون حااامضة وفي طبق التقديم كنزوق بالزيتون احمر و الحامض.