صابليmonteé من مطبخي

هاد الصابلي كيجي بنين مذاق و شكل رائع نتمنى يعجبكم
و سمحولي حيت مصورتش المراحل كاملة إلا عجبكم المرة الجاية نزلو بالمراحل

المقادير:
رابعة الزبدة
بيضة
جوج كيسان العنبة السكر
كاس العنبة زيت
الدقيق حسب الخليط
فاني
للتزيين
حبات الكرز
الشكلاط أبيض
النباج أو المربى
الفرمسيل 

الطريقة:
كنخلطو الزبدة مع السكر مزيان و من بعد نضيف البيضة ديالنا و الزيت و الفاني و نخلط جيدا ثم نضيف الدقيق حتى نحصل على عجينة متماسكة و لكن متكونش قاصحة، نأخد جزء من العجينة و نورقوه بين جوج بلاستيكات و نقطعو بثلاث مراشم من نفس النوع اي ( الكبير و المتوسط و الصغير)
و ندخلوهم الفرن متوسط الحرارة منين نخرجوهم نلصق بناتهم بالشكلاط أبيض من بعد كندهن بالنباج أو المربى الجناب ديال القطعة الكبيرة و ندردر فوق منها الفرمسيل و نوضع فوق منها شوية النباج و حبة الكرز.