الباسطا بالفلون

مقادير العجين:

  2 كيسان دقيق أي ما يعادل  170 غ  
2 بيضات

  2 م ك سكر ما يعادل  40 غ

1م ك زبدة تقريبا  40 غ

 1 م ص خميرة الحلوى تقريبا  5 غ

1 فاني

مقادير الحشوة:

 3 حبات تفاح محكوك + نصف كأس ماء + م ك قرفة + 2 م ك سكر


مقاديرالطبقة الأخيرة اللي هي الفلون:

1 ليتر حليب +4فلونات بالنكهة اللي بغيتو أنا درت الفريز + 5 م ك سكر أو حسب الدوق

الطريقة:

اولا ندير التفاح محكوك في مقلة ونضيف السكر والماء والقرفة ونخليه يطيب حتى ينشف مزيان

طريقة العجين : نطرب البيض مع الزبدة والسكرو الفاني غير حتى تدوب الزبدة ومندخلش الهوا للخليط
ثم نضيف الدقيق والخميرة ونخلط وندهن صينية الفرن بالزبدة
كنعمل فيها الخليط والعجينة كتبغي شوية التساع في الخاطر خاصك تقادها بشي سباتيل مزيان  العجينة كتجي رقيييية ندخلها لفرن ساخن مسبقا على 180 درجة

غير تنشف شوية ونخرجها ونضيف عليها التفاح لي طيبنا ونردها للفرن تكمل طيابها مكتاخدش وقت بزاف

منين نخرجها نخليها تبرد ونوجد الفلون بالطريقة العادية بلا مانخليه يغلي يوصل تقريبا لدرجة الغليان
و نخويه فوق الباسطا بمعلقة كبيرة باش ميثقبش العجين والتفاح وندخلها للثلاجة تبرد مزيان
منين تبرد نزينها كيف ما بغيت بالفواكه و لا الشكلاط كيف عملت هنا على حسب المناسبة