زعلوك ساهل ماهل

اليوم بغيت نقدم ليكم زعلوك بهاد الطريقة كيجي زوين

المقادير:

3 دنجلات، 3 ماطشيات، 3 فلفلات، 5 ضروس ثومة، القزبور، نصف كاس ماء، الملح، الكامون، التحميرة، الزيت البلدية
الطريقة:

كنقشر نصف البادنجال ماشي كلها فحال الصور، و نقطعها على شكل طولي و نديرها في الكوكوط 

و نزيد عليها نصف كاس ماء و قبيصة ملح و نقفل عليها واحد سبعة دقائق،

 من بعد كنشوي الفلفل و نقشرو مزيان بلا منغسلو بالماء و نقطعو مربعات صغار

 و نقطع كدلك مطيشة مربعات صغار والثومة نضيفهم

 على الدنجال الللي صلقنا في الكوكوط غادي يكون تزعلك مع راسو هههه و نحرك مزيان و من بعد نضيف القزبور و الكامون و التحميرة و نبداو نحركو حتى ينشف من الماء اللي فيه و نطفي عليه البوطة من بعد نزيد قياس نصف كاس زيت البلدية

 و ها زعلوك ديالنا واجد